Արա Աբրահամյանի կառույցները անշարժ գույք են ձեռք բերել Մոսկվայի կենտրոնում

«Ազգային մեդիախումբը» Պուշկինսկի հրապարակում գտնվող շինությունը, որտեղ մինչև 2011թ. եղել է «Իզվեստիա» թերթի խմբագրությունը, կարող էր վաճառած լինել Ռուսաստանի հայերի միության նախագահ Արա Աբրահամյանի կառույցներին:

Մինչ այդ գործարքը Մոսկվայի կենտրոնում գտնվող լեգենդար օբյեկտի վերականգնման կապալառու էր ընտրվել Սամվել Կարապետյանի «Տաշիր» խումբը: Նոր տերերին անհրաժեշտ կլինի մոտ 500 մլն դոլար, որպեսզի նախկին խմբագրության տեղում կառուցի ժամանակակից բազմաֆունկցիոնալ համալիր:

Անցած շաբաթ «Ազգային մեդիախումբը» հայտարարեց, որ դուրս է եկել «Իզվեստիայի» կանոնակարգային կապիտալից, որտեղ իրեն էր պատկանում 73%-ը:

«Իզվեստիա» ԲԲԸ հաշվեկշռում է Պուշկինսկի հրապարակում գտնվող շինությունը. այստեղ մինչև 2011թ. եղել է նույնանուն թերթի խմբագրությունը:

«Իզվեստիա» ԲԲԸ բլոկփաթեթը պատկանում է Phorbas Holding օֆշորին, որը շուկայում կապում են նավթային ԼՈՒԿՕՅԼ նավթային ընկերության հետ:

«Ազգային մեդիախմբում» չեն մեկնաբանում գործարքը, այդ պատճառով էլ մինչ օրս գնորդների մասին պաշտոնական տեղեկություն չկա:

Սակայն օրերս «Իզվեստիա» ԲԲԸ-ն հայտարարեց նոր գլխավոր տնօրենի նշանակման մասին. նոր տնօրենը Սերգեյ Ժդանկինն է, որը նմանատիպ պաշտոն է զբաղեցնում «Համաձայնություն» ՓԲԸ-ում:

«Համաձայնության» սեփականատերը Արա Աբրահամյանն է:

Բացի դրանից՝ Սերգեյ Ժդանկինը առաջադրված է «Իզվեստիայի» տնօրենների խորհրդում, ինչպես Ալեքսեյ Լիսանսկին և Վարդան Խաչատրյանը (նրան և Արա Աբրահամյանի որդուն՝ Վլադիսլավին է պատկանում «Էտալոն» բժշկական կենտրոնը):

«Իզվեստիա» համալիրը զբաղեցնում է մի ամբողջ թաղամաս և բաղկացած է 2 շինությունից: Դրանք են՝ տպագրական կոմբինատը և 21 հազար քմ մակերեսով տարածքում նախկինում եղած «Իզվեստիայի» խմբագրությունը:

Ներդրումային պայմանագրի համաձայն՝ «Իզվեստիայի» տեղում «Լեգասի» ընկերությունը պետք է կառուցի ժամանակակից բազմաֆունկցիոնալ համալիր՝ 168 հազար քմ տարածքով:

2012թ. աշնանը հայտնի դարձավ, որ «Լեգասին» որպես կապալառու ներգրավել է «Տաշիր» խմբին:

«Տաշիրը» մինչ օրս չի քննարկում իր մասնակցությունը այդ նախագծին: Խմբի մամլո ծառայությունը չի մեկնաբանում շուկայի մասնակիցների ենթադրությունը, որ «Տաշիրը» գնել է «Ազգային մեդիախմբից» «Իզվեստիա» ԲԲԸ-ի փաթեթի մի մասը:

Մինչ այդ «Տաշիրն» ու «Համաձայնությունը» համագործակցության փորձ ունեցել են: 2009թ. ճգնաժամիժամանակ Տաշիրը «Համաձայնությունից» գնել էր «Մոսկվա սիթի» գործարար կենտրոնի գրասենյակային-հյուրանոցային համալիրի նախագծի կեսը: